تحديث :
اولا انا بعتذر بشده لكل اللي دخلوا المدونه و وجدوا كل هذا الكم من الاكتئاب .. فسامحوني
ثانيا كنت فاكره ان التحديث او التدوينه الجديده اللي هضيفها هتكون مليانه سعاده و امل و اسف عن اني زعلت من الدنيا شويه ... لكن للاسف
معرفش في ايه ؟؟ معرفش ايه الحزن اللي انا فيه ده ... يمكن عشان بقالي مده طويله مزعلتش من الدنيا؟؟؟ ممكن ,
بس اللي بستغربله قوي اني مقدمتش للدنا حزن ولا اسباب للحزن زي اللي هيه بتقدمهولي دلوقتي ..
ده انا طول عمري بقول مهما حصل بردو الدنيا هيه جنتنا في الارض . و كن انت التغيير الذي تريد ان تراه في الوجود و حاجات كتير كده .. كانت مبادئ عند الواحد .. ليه بقي يا دنيا .. ليه
سبحان الله انا عارفه ان كل ده خير من ربنا .. اكيد لاني ظني بالله انه لن يضيعني ده شعاري ولكن الواحد بيحزن عما فاته .. و مش بس كده بيحزن اكتر علي انه بيحس انه مش حسبها صح , علي انه ماشي واثق في الدنيا و بيحبها و بيديها كل طاقته كلللللها من حماس لايجابيه لسعاده لحب و لكن تبص تلاقي نفسك خبطت في حيطه سودا قوي قوي و عاليه قوي وفيها من المقبضات ما فيها...
لكن في النهايه .. الحمد لله و ادعو لي
انا زعلانه منك يا دنيا قوي :((
بجد بجد انت بتزعليني كل ثانيه اكتر من اللي قبلها ..
ليه كده يا دنيا ده انا بحبك جدا و بقول للناس يحبوكي ..
انت وحشه يا دنيا بجد ولا ايه ؟؟؟
انت بتزعليني قوي ليه كده ؟؟؟
ربنا يسامحك يا دنيا .. لما بتيجي تزعليني بتقومي مدياني كل الحاجات الوحشه ورا بعض ,
ربنا يسامحك يا دنيا .. علي اني حبيتك و انت محبتينيش ,
ربنا يسامحك يا دنيا .. ربنا يسامحك .. ربنا يسامحك
بجد انا بتاسف لاني احببتك و امنت لك ..
و بجد انا مش هقول لحد يحبك تاني لانك بتزعليني و انا مش عملت ليك حاجه,
ياه يا دنيا .. اد كده انت ظالمه , واد كده بتاخدي و مبتديش
انا مش بحبك و بكرهك انت و كل اللي زيك
واذا اتاني الموت .. لقلت ..
اذهبي يا دنيتي غير ماسوف عليك
غــــــــــاده
هناك 17 تعليقًا:
المرء يعيش في الدنيا علي حذر
فطبعها الغدر ونعيمها زائل
وقديما قالو
اذا حلت أوحلت
واذا اكتملت بدأت تنتقص
صدق رسولنا صلي الله عليه وسلم
(كن في الدنيا كأنك غريب أو عابر سبيل)
طبقا لنظرية الاستك..
يبدو ان الاستك حولين ايدك فلت ..:)
والمصائب لا تاتي فرادى..
لكن لسعة وهتعدي ان شاء الله..
غفط لنتذكر أننا أقوى من هذه الدنيا الغبية
تحياتي :)
لا اله الا الله. مالك يا اخت غادة.المهم انا مقتنع بنظرية الجيفة الميتة التي وضعها رسولنا الكريم صلى الله عليه وسلم وان انا لازم احب هذه الدنيا لان لولاها مش هاقدر اوصل لغايتي ومش هاقدر ادخل الجنة.اظن لو عاملتيها كدة هتهون عليكي ولوعاملتيها مثلما عاملها امامنا علي كرم الله وجهه بأن نقول لها كل يوم يا دنيا غري غيري يا دنيا طلقتك ثلاثا.طلقتك ثلاثا.هتهون عليكي جدا جدا .اسال الله ان يهون علينا الدنيا واياك ويكبر جنته ورضاه في قلوبنا.امين
السلام عليكم و رحمة الله و بركاته
لا حول ولا قوة الا بالله .. خلى دايما ايمانك بالله كبير .. و اكبر بكتييييير من كل الصدمات اللى ممكن تتعرضى ليها .
هونى على نفسك .. والدنيا على دا الحال .. وادينا عايشينها بحلوها و بمرها .. صحيح الحلو بقى قليل اليومين دول .. مش قليل دا بقى يكاد يكون معدوم .. لكن برضه تفائلى و بلاش الياْس ارجوكى .
المؤمن مصاب .. وانت مؤمنة .. وهذه اختبارات من رب العباد .. اصبرى عليها و ربنا ييسر لك الصعب ان شاء الله ( ان مع العسر يسر ).
بجد مش عارفة اقولك ايه .. مع انى مش اعرفك ولا تعرفينى بس زعلانة والله لزعلك.
اتركك فى رعاية الله و امنه ... سلاااام
غدغوووووووووود
بصوا ياجماعة من المعروف جدا
ان غادة الهندى مش من الناس الى بتكتئب ويجيلها احباط بسهولة
ما شاء الله
ومعروف كمان انها اللى بتبث الامل فينا جميعا
ايه اللى حصل ياغدغود يخليكى تقولى كدة
اكيد فى حاجات كتير
هى قاعدة واحدة معايا هتنسيكى كل اللى انتى فيه
لا أجد ما استطيع ان اعلق به على كلامك ، حتى أننى لا أستطيع أن أقرر هل أؤيدك فى أسفك أم أعترض على هذه النبرة اليائسة ، لا أعلم فأفكارى تداخلت بلا إمكانية لاعادة ترتيبها فى الوقت الحالى.
بوست حزين جدا
واضح انك مريتى بتجربة مؤلمة .. يارب تكون انتهت.. ومهما كان الليل طويل لازم النهار يعود من تانى
ياحبيبتي .. فرج الله همك
بإذن الله ستجدي الفرج قريبا جدا
وتشعري بكرم المولى العظيم .
غادة .. هذه هي الدنيا - التي لا تساوي عند الله جناح بعوضى - لا تدوم أبداً لأحد .
منتظرة منك قريب جدا بوست عن الفرج وكرم الله
غادة ..
انا مش هقوللك ليه كده و فكيها و فرفشى و الكلام العبيط ده .. الصله مبقاش جايب همه ..
لا ازعلى يا غادة .. ازعلى و عيطي و اغضبى .. لان كلنا لازم نعمل كده .. انا كمان كده و بأيد كل كلمه قلتيها ..
و الذى ما زال يضحك لم يدر بعد بالخبر الرهيب ..
تحياتى ليكي ..
أسامة أمين
ايه بس اليأس ده
مش معقول كده
اكيد انتى بتقولى كده عشان حصلك موقف او حاجة وحشة بعد الشر يعنى
وعى تكون ابلة روفيدة مزعلاكى ههههه
متخليش الدنيا شماعة تعلقى عليها اى حاجة
وادعى ربنا
هو القادر على كل شئ
وتحياتى اليكى
وتسلمين
ربنا يكرمك ان شاء الله وكويس انك زعلانة من الدنيا مش هى اللى زعلانة منك
أسف لأتى تأخرت فى الرد بس مشغول شوية
لماذا كل هذا التشاؤم ...!!!
من المؤكد أن هناك ما دفعك لكتابة مثل هذه الكلمات التى تبث فى النفس الإحباط والخوف من المستقبل ...
وخصوصًا بعدما قرأنا أجمل الكلمات التى تبث فى النفس البهجة و السرور والأمل.
ولكن ... أنا واثق من أنك قوية وقادرة على تحمل مطبات الحياة ، ومؤمنة بأن هذه هى سنة الحياة وأن المؤمن مبتلى .
ودمتم بخير
محمد حشاد
غادة الجميلة .. مين في الدنيا عايش من غير مشاكل؟؟ المهم إننا نعرف نواجهها و مانيأسش و نجيب الغلط عالدنيا .. عشان ما نقعش في الي حرمه ربنا لما قال في الحديث القدسي : يؤذيني ابن آدم يسب الدهر و أنا الدهر ..بيدي الأمر أقلب الليل و النهار"
وورد عن الرسول (ص) "لا تسبوا الدنيا فإن فيها تصلون وفيها تصومون وفيها تعملون".
و لا تسبوا الدهر فإن الله عز وجل يقول إن الدهر والأيام والليالي لي أُجددها وأبليها وآتي بملوك بعد مولوك".
ولاتسبوا الليل والنهار ولا الشمس ولا الريح فإنها رحمة لقوم وعذاب لآخرين".
ربنا يفك كربك و يوفقك يا جميلة .. يا رب
سلامتك من الزعل ياقمر ..
مفيش حاجه دايمه صدقينى
لا الحزن باقى ولا حتى الفرح
المهم انك يكون دايما عندك امل و ايمان برحمة الخالق العظيم ولا ييأس من رحمته سوى الكافرون و العياذ بالله ..
اجعلى الرحمن وكيلك و وليك فى الدنيا و الاخره و ارمى حمولك عليه و ان شاء الله ربنا حيكرمك و يفرج عنك اختى الحبيبه ..
ادعوا الرحمن ان يبعد عنك الاحزان و ان يرزقكى سعادة الدارين ..
دمتى بكل خير و سعاده فى رعاية الرحمن
تقديرى و تحياتى
أطلتم الغيبة أيها الكرام
عسى أن يكون المانع خيرا
دمتي بخير سيدتي
كل ودي
انا اسمى خالد محمد سعيد
اللي بيقولوا إننا بنخرج عن هدف الصفحه لما بنعرض الفساد اللي في البلد، ممكن تقولولي كان إيه السبب في قتل خالد غير الفساد؟؟
بسبب الظروف دي إحنا بنلاقي كل يوم خالد..بلاش ندفن راسنا في الرمل
إحنا مش هنتسرق و نسكت و نتقتل و نسكت..إحنا مش عبيد و هنفضح الحراميه في كل حته
و كده احنا مش بنشتم مصر،حاشا لله إني أشتم بلدي و أرضي..أنا بشتم اللي نهبوها و خلّوها أرض بور..اللي مصر أكيد بتكرههم
انا اسمى خالد محمد سعيد
اللي بيقولوا إننا بنخرج عن هدف الصفحه لما بنعرض الفساد اللي في البلد، ممكن تقولولي كان إيه السبب في قتل خالد غير الفساد؟؟
بسبب الظروف دي إحنا بنلاقي كل يوم خالد..بلاش ندفن راسنا في الرمل
إحنا مش هنتسرق و نسكت و نتقتل و نسكت..إحنا مش عبيد و هنفضح الحراميه في كل حته
و كده احنا مش بنشتم مصر،حاشا لله إني أشتم بلدي و أرضي..أنا بشتم اللي نهبوها و خلّوها أرض بور..اللي مصر أكيد بتكرههم
إرسال تعليق