السلام عليكم و رحمه الله و بركاته
احبتي في الله كل من مر علي المدونه ...
ازيكم .. والله انا مش عارفه اقولكم ايه ! يعني علي الجو الخنيق اللي كنت في من كام يوم ..
بس الحمد لله علي كل حال و اعوذ بالله من حال اهل النار ..
للاسف .. خرجت من الحاله الخنيقه دي .....
؟
؟
؟
؟
؟
؟
؟
لازال عندي امل :)
ومتزعلش بقي يا اخي اسامه امين :)
و اقتبس من اخي مراد كلمته "لسعة وهتعدي ان شاء الله..غفط لنتذكر أننا أقوى من هذه الدنيا الغبية "
علي فكره هوه كان قصده "فقط " مش "غفط" تصدق يا ميرو قعدت فتره اترجم غفط دي :)
و كمان كلمه د . ايهاب " (كن في الدنيا كأنك غريب أو عابر سبيل)"
ممم .. في حاجه صغنونه كده كمان جميله قوي اثرت فيا كلمه..
د. دي "مع انى مش اعرفك ولا تعرفينى بس زعلانة والله لزعلك." جميل قوي قوي انك و انت حاسس ان الدنيا قفلت في وشك ابوابها .. تلاقي حد طالع كده يقولك انا معرفكش ... بس زعلان قوي لانك زعلان :)
ربنا يكرمكم يا رب و يعزكم.
و كلمه جميله من روفي " مفيش حاجه دايمه صدقينى لا الحزن باقى ولا حتى الفرح "
و كل اللي كتب كلمه بجد اثرت فيا ..
يالا بقي عايزيين نرجع تاني نضحك كده و نكتب تدوينات جامده :)
و اعذروني ان كنت اثقلت عليكم
صحيح شفتم افتتاحيات الومبيات بكين :)
اجمل ما فيها كان ايه ؟؟؟؟؟؟؟؟؟؟؟؟؟؟؟
اجمل ما فيها وفد مصر طبعا
و اجمل الالوان الابيض و الاحمر و الاصفر والاسود و النسر في النص ....
علم مصر :)
ربنا يبارك فيها و يخليهالنا و يعينا عليها و يعينها علينا :)
تحياتي يا من برؤيه كلماتهم اسعدوني .. و ان لم تراهم عيني...
غـــــــــــــــــــــــــاده
هناك 21 تعليقًا:
اختى غادة
حمدا لله على عودتك ، أسال الله أن يرزقك السعادة والسكينة والطمأنينة أبد الدهر ، وأن يبعد عنك كل مايضيق ويحزن
عادة تكون العودة من بعد التعثر قوية ، لذا فانا فى انتظار عودتك القوية
دمت لى أختا
ودمتى فى إبداع
تحياتى
اختى فى الله غادة
حمدا لله على السلامة والافاقة
كويس انك رجعتى تانى احسن
مفيش حاجة تستاهل الحزن اوى
او حتى الفرح اوى
ما علينا
المهم انك قومتى
عايزين بقى بوستات جامدة
كالعادة اكييد
وتحياتى اليكى
وتسلمين
ربنا يسعدك و يكرمك ..
تحياتى ..
أسامة أمين
اخي العزيز عبد الرحمن ,
ولكم بالمثل يا رب :) و ان شاء الله نكون دايما في عون بعض ..
**********************************
حبيبتي ريحانه الاسلام ,
و تحياتي لك يا ريحانه :)
**********************************
اخي اسامه ,
و انتم يا رب .
الحمد لله أن هذا الوقت العصيب مر عليكى بخير .... وحمدًا لله على عودتك مرة أخرى للتدوين فقد افتقدنا كثيرًا للأسلوب المتميز الذى نجده فى كتاباتك .
أما بالنسبة لأولمبياد بكين .... فقد حزنت كثيرًا لأنى منتظر هذا اليوم منذ فترة طويلة لأن أشاهد الافتتاح ولكن لم أتذكر إلا بقراءتى للمدونة .
ولكن جزاكى الله خيرًا على تذكيرك ببداية الأولمبياد .... فأنا شخصيًا أجد بها الكثير من الإرادة والقوة فى مشتركيها من حول العالم .
وإن شاء الله المصريين يشرفونا فيها السنة دى .
محمد حشاد
I READ WHAT U WROTE ..AND i will be waiting for anything new
يا سلااااااااااااام
ياريت فعلا يكون التعليق ساعدك ولا شوية انك تتخطي مودك السيء..اهو كدا الواحد عمل حاجة حلوة في حياته..
ومعلش ع الغلطة "غقط" ههههه
مستنيين بقى بوستاتكم ونشاطكم تاني على أحر من جمر..
في امان الله
ولو حسيت إنك لوحدك وإن ماحدش بحبك
حب برضه ولا يهمك كفاية ربك راضي عنك
دا فرح قلبي ويا غروب الشمس تاه
طب دي الحياة من غيرنا ما تبقاش حياة
وشروق من بعد غروب
وعن غروب الشمس نتوب
مش عارف اشكر مين غاده ولا رقيده
عموما شكرا ليكى يا غادة وشكرا ليكى يا رفيده .
واتمنى فعلا ان لا تكون الزياره الوحيده
تحياتى .
انا اضفتكم عندى على فكره .
حمد الله عالسلامه
ويارب ترجعى تضحكى وتكتبى مدونات جامده تانى
وانا عايزه اقولك كله بيعدى ارمى ورا ضهرك وكملى ودوسى ولا يهمك يامعلم
انا اول مره ادخل مدونتك وحاسه انى اعرفك من زمان
حمد لله على السلامة
وربنا يسعد ايامك دايما .. ويبعد عنك كل شر وكل حزن .
سعيدة انك قدرتى تجتازى محنتك .. وهكذا الحياة .. الاهم ان نرجع اقوى وافضل و اكثر صلابة فى مواجهة دنيانا
كل سنة وانت طيبة بمناسبة قرب حلول الشهر الكريم .. اعاده الله عليك وعلى كل امة المسلمين بالخير ان شاء الله
اخي محمد حشاد,
جزاك الله كل الخير علي مشاركتك هذه المره و التدوينه السابقه, و بالنسبه للالومبيات تتعوض في الحفل الختامي.
**********************************
شهريار
ان شاء الله :) مرور طيب
**********************************
اخي ميروووو
ربنا يكرمك يا رب , ان شاء الله نكون دايما عند حسن ظنكم جميعا و احسن باذن الله, تحيايتي
**********************************
روفي :)
جزاك الله خيرا علي المشاركه الجميله دي :) , مرور طيب
**********************************
اخي هاني علوان :)
انا و رفيده واحد يا فندم , جزاكم الله خيرا علي الاضافه و في انتظار مشاركاتك المثمره :)
***********************************
3ala esm masr ,
النيك نيم بتاعك ده احلي شطر في احلي بيت عن احلي بلد في الدنيا ,
يا رب ماتكون اخر زياره
**********************************
dr , d
جزاك الله خيرا علي مشاركتك هذه و المشاركه السابقه :) و اسال الله ان يجعلك و كل المسلمين من عتقاء شهر رمضان
امين
بعد حمدالله بالسلامة والذي منه عاوز اسالك اختاه ماكان سبب ذلك وماهذه الحالة النفسية المتناقضة؟و ...ايه اللي انا بقوله دة؟ المهم حمدا لله على سلامة نفسيتك يا اختي.ودائما برضا الرحمن تسعدين.
غادة
ازيك يارب تكونى بخير
مش عارفة لية حاسة انك حزينة ومحبطة فى البوست داا
وزى ما قالت روفى مفيس حاجة دايمة
حاولى تكتب اكثر لاننا مفتقدينك
غادة
اخبارك اتمنى تكونى تمام سلمى لى على روفيدة
وحمد الله على السلامة والحمد لله انك خرجتى من الحالة اللى معرفهاش بس على اى حال خير وعجبنى اقتباسك للاقوال اللى كتتبيها وانك بتحبى تستفيدى
تحياتى
حمد الله بالسلامة
و يارب دايما في أحسن الأحوال
ودايما نقرا أحسن البوستات عندكم
thx 3ll post & blog
this blog so nice
يا ريت بس الازمه تكون عدت على خير و الف بعد الشر
انتوا فين انا كتبت بوست جديد ومشفتش حد منكم .
منتظركم
هانى
اخي محمد خالد الديب,
جزاك الله خيرا علي السؤال وهيه يا سيدي كانت ضربه من الحياه .. ولم تقتلني.. و لكن :)
**********************************
نهر الحب ,
ربنا يكرمك .. دول شويه زعل من الدنيا و راحوا لحالهم .. وان شاء الله في تدوينه قريب جدا :)
ربنا يكرمك و يعزك
**********************************
princess berry
ورفيده بتسلم عليك :) .. جزاك الله خيرا :) تحياتي
***********************************
اخي الضاحك الباكي :
جزاك الله خيرا علي المرور الطيب ..
**********************************
steel beauty
جزانا و اياكم .. ثانك يو تو .. في انتظار تعليق بالعربي بقي :)
مرور طيب
**********************************
بيكر
ربنا يكرمك .. كله تمام يا فندم
*********************************
اخي هاني علوان ..
عذرا يا فندم .. انا دخلت وعلقت :)
تحياتي
إرسال تعليق