بسم الله الرحمن الرحيم
فاكرين مبدا الاستمتاع .. اللي بيتلخص في "تمتع بكل لحظه في حياتك سواء كانت خير او حتي شر ."
هكلمكم انهرده عن مبدا مكمل لمبدا الاستمتاع و هوه .. "مبدا الانسحاب"
المقصود بالانسحاب ..
هو ان تسحب نفسك من المحيط الذي انت جالس فيه .. و تخلو بنفسك لحظات .. تناجي نفسك .. و تقول
- انا هنا ليه؟
- و النتيجه اللي وصلتلها من مجلسي اللي انا فيه دلوقتي حالا ايه؟
- والوقت اللي انا استهلكته و لسه هستهلكه في الموضوع ده كتير و لا معقول و لا قليل؟
- وا نا بقول ايه .. اي كلام و خلاص .. و لما بتكلم بيسمعولي و بقول كلام فعلا يؤدي الي نتايج ؟
- و هو انا كلامي مراقب فيه ربنا و لا اهو كلمتين و هيعدو؟
- و قبل ده كله ... لو ربنا سبحانه و تعالي اخترني للقاؤه دلوقتي حالا ..
و بعد نص ساعه لاقيت نفسي متمدد في قبري بين يدي ربنا سبحانه و تعالي ..هقوله ايه؟
تطبيق المبدا ..
* عارف ممكن نطبق المبدا ده ازاي ... بص في وجوه كل اللي قاعدين معاك كده سواء في الشغل , الجمعيه , الحفله , البيت , اصحابك , .. و اسمع هما بيقولوا ايه .. بص علي صاحبك اللي كلكم بتقولوا عليه طيب و علي صاحبك اللي مش بينزلكم من زور .. بص علي اللي في خير و علي اللي بتحاوا تتجنبوه .. و قول لنفسك الناس دي و غيرهم من اللي يعرفوني متقبلني و لا لا .. !!؟؟
طيب ربنا سبحانه و تعالي قبلني عنده و لا لا .. !!!!
باجابتك علي رؤيه الناس ليك .. هتعرف انت من الشخصيات ذات العلم و العمل المؤثره في مجتمعك و لا لا ..
و باجابتك علي لقاء الله سبحانه و تعالي ليك .. هتتمني علي الله سبحانه و تعالي انت من اهل الجنه ولا من اهل النار ..
و بعدين تبدا تسال نفسك عن العمل اللي انت بتعمله دلوقتي حالا .. الاسئله اللي فوق ..
طيب و لو لاقيت نفسك الموضوع فلت منك .. و اجاباتك علي الاسئله -يعني رؤيتك لنفسك- مش عجباك ..
ممكن تظبطها في ثانيه و انت قاعد .. فكر نفسك بمبادئك .. فكر نفسك انك عايش لربنا .. و في النهايه فكر نفسك .. ان
والله العظيم انت هتموت .. و في لحظه ..
الموت مش هيفرق بين انك شباب و لسه متجوزتش
ولا انت فتاه وورده البيت بتاعك و دلوعه بابا و ماما
والله مبقولش الكلام ده ازعل بيه حد .. بس لاني والله بحب كلكم في الله ..
لاننا جزء من بعض و انتم اخواتي في الاسلام .. وبذكركم و بذكر نفسي بالكلام ده .
الهدف من المبدا ..
* انك تكون محدد في كلامك ..
* انك هتحاول تتجنب انك تزعل حد في الباطل ..
* انك هتراقب ربنا معظم الوقت و مش هتبعد قوي عنه ..
و يالا بقي .. عايزه التعليقات تكون عن الاهداف من المبدا ..
*ان كنت من انصار مبدا الانسحاب .. شاركنا و اكتب ممكن يكون ايه تاني من اهداف هذا المبدا.
غاده
هناك 13 تعليقًا:
السلام عليكم
تعرفي يا(غاده ورفيده) ان انا كنت بحاول انام ومش عارفه انام وعماله افكر في يومي وفي حياتي عايشاها ازاي الفتره دي(من ساعت ما الجامعه بدأت) وقعدت افكر اتكلمت في ايه ومع مين وليه وبحب مين ومش بحب مين وبتكلم كلام شكله عامل ازاي وهدفه ايه وهل ربنا راضي عني دلوقتي ولالا؟
لما معرفتش انام ودخلت علي المدونه بتاعتك ولقيتك كاتبه الموضوع ده لقيته جمع افكار كتييييييييير اوي كانت متبعثره جوايا ومش عارفه اجمعهم في نقاط محدده زي ما ربنا اكرمك وجمعتيهم في نقاط
فجزاكي الله خيرا انك ساعدتيني اني اخرج من الصداع الفكري اللي كان مسيطر عليا
وهدفي من مبدأ الانسحاب بالاضافه لاهدافك:
وقفه مع النفس بمعني اني هقول لازم انظم حياتي عشان انا بمثل الاسلام..
انا الاسلام
انا الاسلام
انا الاسلام
وبجد الكلمه شرحت نفسها لاني مش عارفه اشرحها ازاي ولا ازاي
بجد جزاكي الله خيرا كثيييرااااا والحمد لله الحمد لله الحمد لله اني دخلت علي المدونه انا هروح انام وانا مبسوطه دلوقتي
احبك في الله
السلام عليكم
السلام عليكم
جزاكى الله خيرًا أختى فى الله على هذا الموضوع القيّم ...
و اسمحى لى أن أضيف أن كما أنه يوجد شىء اسمه الحب فى الله فهناك أيضًا الكره فى الله أو الهجر فى الله وأنا أعتبره نوع من انواع الانسحاب بمعنى إن الواحد يبتعد عن أصدقاء السوء فقط لله لعلهم يتعظوا .
ويكفى فى مبدأ الانسحاب ورقة وقلم ومكان مغلق حتى أستطيع أن أعرف أين أنا ؟؟ وإلى أى شىء وصلت ؟؟ وحتى لا نظل ننظر إلى نصف الكوب المسكوب فلا بد من وضع الخطوات العملية المناسبة حتى أتجاوز ما انا فيه .
وجزاكى الله خيرًا
انا من انصار المبدا
و بحاول اطبقه بقالى 3 شهور فى الكليه
و مش عارفه
عاشان كنت متعوده على ضياع وقت كتير اوى
بس بحاول و هفضل احاول
ربنا يكرمك للفكره
جميلة اوي المبادئ ده و الاجمل لو طبقناها ...
جميييييييييل ياغادة
انا نفسى اطبق المبدأ ده
على فكرة انا لما قرأت العنوان فهمت حاجة
ولما قرأت فهمت ان انسحاب ايجابى
لازم كل فترة الواحد مننا يفكر ويعيد تنظيم حياته
جميل جدا يا غادة ..
قلت نفس الكلام تقريبا من فتره .. قالولى اطلع من البلد ..
عموما .. جزاكى الله خيرا .. ربنا يكرمكم بجد ..
تحياتى ..
أسامة أمين
احبتي و اخوتي في الله ..
muslim girl ...
جميل ان الانسان يعمل وقفات في حياته تساعده انه يعرف هوه فين و رايح علي فين و هل هو علي الطريق المستقيم ولا لا...
و انت من اهل الخير ..
احلام سعيده :
*********************************
اخي محمد حشاد ..
اقتباس..."ويكفى فى مبدأ الانسحاب ورقة وقلم ومكان مغلق حتى أستطيع أن أعرف أين أنا ؟؟ وإلى أى شىء وصلت ؟؟ وحتى لا نظل ننظر إلى نصف الكوب المسكوب فلا بد من وضع الخطوات العملية المناسبة حتى أتجاوز ما انا فيه ."
اتفق معك .. وازيد ان الفكره في مبدا الانسحاب ايضا ان تتذكر الله سبحانه وتعالي و تظبط اهدافك ووقتك في المجلس الذي انت فيه ..اي وقت.. ليس المنزل فقط.
**********************************
magnolia ...
keeeeeeeeeeep trying :) well done
**********************************
مستر مجنون ...
اذا كان المبدا كلام علي ورق .. اذا فالاولي ان نبقيه في افواهنا بدلا من ان نضيع وقتنا ووقت الاخرين .. لاننا سنسال يوم القيامه ..
اتفق معك تماما ان اهم شئ في المبدا هو تطبيقه.
**********************************
بذره امل ..
جزاك الله خيرا :)
***********************************
اخي اسامه .. شمو نشادر
و يكرمك يا اخي اسامه .. ليه قالولك اطلع من البلد ؟؟؟؟
هقولك اطلع من البلد و اعمل اللي انت عايزه :)
تحياتي
جامد جدا المبدا ده ,,
وجميل التفكير بالطريقه دى انا شايفه فيه تربيه نفس حلوة قوى
جزاكم الله خيرا
جميل اوى المبدأ ده
عايز وقفة مع النفس
وعايز ان احنا نشوف نفسنا بجد من جوه مش الظاهر بس
ياااااه
دا لو كل شخص عمله ممكن ميبقاش فى ناس رخمين ولا غلسيين ولا ناس.....
وبيه اكيييد ممكن نتغير
واكييد حالنا هيتغير وهيتصلح
والمجتمع كمان ممكن يتغير
فعلا
دعوة للانسحااااااب
وتحياتى اليكى
وتسلمين
مبدأ الانسحاب
والله عنوان جميل وغريب
يشد الواحد لقراية الموضوع
بس بجد
مبدأ لذيذ جدا على الاقل الواحد يهج شوية من هموم الدنيا
ويكلم نفسه بصدق
ويخلى الانسان يفكر الف مرة زى ما قولتى
ازاى هيقابل ربنا
دعوة وحق دعوة للانسحاب
حتى نرجع لقولنا
وتحياتى اليكى
وتسلمين
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر
ازيكم
وحشتونى والله
لو انى انا المقصرة لكن ان شاء الله ما فى غياب عن مدونتكم بعد كدة :)
عارفة انا كمان بطبق المبدأ دا كتيرررر اوى
لان فى كلام كتير سمعه والخوض فيه لا ينفع
فبسرح مع نفسى
احبكم فى الله
بداية القى السلام عليكم لانكم وحشتونى جدا
اذيك ياغادة
تسلمى ياحبيبتى على البوست بجد كلنا محتاجين وقفة مع النفس كل فترة حتى نروضها ونعود بها مرة اخرى الى الطريق الذى يرضى الله
فى جملة كنت قراتها قبل كده وعجبتنى اوى
"اذا لم تستطع ان توقف من يتحدث عن اخيه بالسوء على الاقل لاتشاركه هذا باستماعك اليه"
متهيألى ان كلنا مابنحبش اللى بيجيب فى سيرة الناس لانه بكل بساطة ذى ماقاللى اكيد هيقول عليا
يبقى اسهل حاجة نعملها اننا مانكونش كده
إرسال تعليق