كبسوله على الماشي.....
كبسوله على الماشي....ولا اقول حقنه في الوريد.....على العموم هو كده كده العيان ميت ومش محوّق فيه حاجه والضرب في الميت حرااااااااام......بس الدكتور هيعمل ايه يخنقه علشان يخلص؟!!!! مش منطقي اخلاقيات المهنة تمنعه وتفرض عليه انه يقعد معاه لحد اخر لحظه.... ياااااااااااااارب تكونو فهمتوا ...انا اصلا طول عمري مبحبش اكلم في السياسه...خااااااااااالص ....زي طبعا ما انتم كلكم عارفين بس صراحة الخبر استفزني جدااااااااااااااااااااا.....
«الأمن» يجبر عمرو خالد على الرحيل إلى لندن.. ويمنع برامجه فى الفضائيات
طب ليه؟؟ هو الراجل -لاسمح الله-عمل حاجه عيب...ولاحد فيكم سمع انه قال حاجه غلط؟؟؟؟؟
او مثلا بوّظ اخلاق شبابنا ؟؟!!!!!!..ياجماعه ده مجرد سؤال.... لو حد عنده اجابه ....ابوس رجلكم وايديكم نوروني اختكم وغلبانه..واجب عليكم بردو انكم تعرفوها..... انا حتى على حد علمي ان البلد مخرجتش رقاصه من الرقصات ولا مغنيه من المغنيات البطالات وما اكترهم وما اكتر فسادهم...اقول ايه؟!!!! واعيد ايه؟!!! ده حتى صور الراجل كلها لابس فيها لبسه كااااااامل مهواش قالع....غريبه والله!!!! هم عايزين ايه بقى؟؟؟؟!!!!
على العموم هو المتنبي قال...
نامت نواطير مصر عن ثعالبها فقد بشمن وما تفنى العناقيد
والله المتنبي هو اللي قال كده بنفسه
وعلق على البيت ده الاخ طه حسين عميد الادب العربي....وقال..
(وما أرى الا أن المتنبي قد ألهم البلاغة والحكمة حقاً، حين وفق لهذا البيت الذى يختصر لوناً من حياة مصر منذ أبعد عهودها بالتاريخ الى هذا العهد الذى نحيا فيه
والله..والله طه حسين اللي قال كده وطبعا هو يقصد العهد اللي كان هو طبعا قاعد فيه
وده يختلف كتيييييييييييييير عن عهدنا....
اقول قولي هذا واستغفر الله لي ولكم.....وربنا يستر...وادعووووولي
رفيده
هناك 13 تعليقًا:
السلام عليكم
ازيك يا غادة
ازيك يا روفيدة
حقيقي انا كمان شايفة الحالة زي ما قال المتنبي
ومحتاجة اجابة
ولكن الله المستعان
فصبر جميل والله المستعان علي ما تصفون
صدق الله العظيم
السلام عليكم ورحمة الله وبركاته
وحشتونى والله موووت
الصراحة البوست ده مش سهل
وحرام اصلا اللى بيحصل فى استاذ عمرو خالد
هيه سايبة ولا ايه
ربنا مش هيسيبه ولازم احنا كمان نعمل حاجة بس مش عارفة ايه
واخيرا وليس اخرا(قال ربى انصرنى بما كذبون-قال عما قليل ليصبحن نادمين)
وتحياتى اليكى
وتسلمين
امال ايه
ناس بيتفتحلها قنوات عشان تهاجم فيها عمرو خالد ومصطفى حسني والدعاه اللى قدروا يوصلوا شريحة الشباب ، ومجتمع الصفوة، وناس تانيه بتتمنع السفر.
العاقل يوزنها، اللى حكومة الوطني معاه يبقى على حق وللا اللى ضده ؟ بتهيألى الموضوع واضح.
موضوع جميل جدا يذكرني بالاية الكريمة "اخرجوا ال لوط من قريتكم انهم اناس يتطهرون " كان الجرم هو الطهارة و عدم الرضوخ الي افعالهم المعوجة و هكذا دائما فجرم استاذ عمرو هو الاصلاح ! و عجبي !!!
بسم الله الرحمن الرحيم
السلام عليكم الله وبركاته
ازيك يا غادة
وازيك يا روفيدة
ووحشتنى حماة أقوى والأن إحنا شغلين فى
موقع شركة SMART WEB الخاصة بنا
لتصميم وإدارة المواقع إدعولنا كثيراً
وبالنسبة لموضوع أ. عمر خالد
أنا مش فاهم هما عاوزين منه أيه ؟؟؟
كما قلت هو الراجل عمل حاجة خالص
كل إلى عمله هو النهضة والإصلاح
والتنمية بالإيمان ومساعدة الفقراء
والمحتاجين ولا حول ولا قوة إلا بالله
وحسبنا الله ونعم الوكيل على كل
الفاسدين والحاقدين وحاسدين والظالمين
" قولوا معى آمين "
يا شباب من الآخر بقي ... فيه مد سلفي في مصر وكلمة سلفي بإختصار يعني دين في المسجد وبس بره المسجد لأ ... وعمرو خالد بقي راجل مش عايز يحترم نفسه ويبقي سلفي زي كل الشيوخ ومصر انه يتكلم عن البلد ومشاكل البلد والسلفية طبعا برئية من كل ده ... ايه دخل السلف في المشاكل .. علشان كده مافيش حد من السادة الدعاة جاب سيرة الموضوع ده خالص اصل عمرو خالد عندهم فاسق والضرب فيه حلال
السلام عليكم ورحمة الله وبركاته
أزيك يا رفيدة وحشتيني أوي
يارب تكوني بخير أنتي وغادة وسلميلي عليها كتير
.........
بالنسبة لموضوعك وسؤالك والله أنا علمي علمك قريت الخبر بردو وبستغرب جداً
أحنا ليه دايما بنقف قدام النماذج المشرفة دي
!!!!!
ودي مش أول مرة ربنا معاه يارب
وربنا عالم الغيوب
تقبلي مروري واعتذاري على طول الغياب
أختك
Angel Love
السلام عليكم ورحمة الله
ازيك يا رفيدة وغادة
عاملين إيه يارب تكونوا بخير
أعذرونى أنا كنت لسه فى فترة إمتحانات .
وبالنسبة لسؤالك يا رفيدة هما عايزين من أ/ عمرو إيه ؟
أعتقد إن إجابة السؤال واضحة زى عين الشمس . . . هما أكيد مش عايزينه يفهم الشباب أمر دينهم بإن الإسلام منهج حياة ، وطبعًا عشان كدا فهما بيحافظوا على مشاعر أى حد بينشر منهج الرقص والغناء و كمان الناس مش لابسه . . أهلاً بكم فى مصر :) . . ولسه .
وبرضو لسه بخير يا مصر
السلام عليكم ورحمه الله وبركاته
فقط ادعو للداعيه الدكتور عمرو خالد بالثبات واحتساب الاجر عند الله
ثانيا ليه بيعملو معاه كده
انتمائه معروف لدى الامن من اتحادات الطلبه فى جامعه القاهره ومع الحمله الضخمه على الاسلاميين واكيد بتقرو جرايد فهو بيعتبره منهم
ثالثا ارجو منكم ان تزورو مدونتى وتقولى رايك فقط للتعديل
انا حاسس انى بانفخ فى قربه مخرومه
ولا حد بيزورنى ولا حد بيقول رايه
ولا بتوصل للشباب ومش هتوصل هدفها
ارجوكم
والسلام ختام
السلام عليكم
انا اقول لكم ماذا فعل
لقد اعلن علي الفضائية مباشرا ان سيدنا محمد صلي الله عليه و سلم لقد فشل و ان الدين ليس بالدين المثالي
و اذا تردون المقطع و كيف محمد حسان اجاب عليه
و السلام عليكم
السلام عليكم ورحمة الله وبركاته
أولا كل عام وانتم بخير ورمضان كريم
واعاده الله عليكم بالخير واليمن والبركات
ثانيااود ان اعترض علي اسلوب الاخ عمار علي تعليقه بخصوص السلف واحب ان اقول له اذا لم تعرف من هم السلف فلا يجب الكلام عنهم بشئ واحب ان اصحح مفهوم السلف لعمار وللجميع .
السلف هم الذين اتو بعد رسول الله واهتمو بالدين اولا كانو الصحابه الكرام الذين عاصرو الرسول وبعد وفاته ثم بعد ذلك السلف اللذين اهتمو بالدين وشريعته واوصلو لنا الشريعه الاسلامية من الاحاديث النبويه بالكامل واهتمو بالعلم الشريعي قبل ان ينحدر الاسلام للوراء ويصل لهذا المستوي الذي تتحدث عنه الاخت روفيده .
ثالثا اما بخصوص خبر مغادرة ومنع البرامج للأستاذ/عمرو خالد شئ مؤسف ونتمني ان يعود الي دياره سالما غانما ولكن احب ان اضيف معلومه بسيطه انه من احب عمرو خالد لشخصه فليذهب كما ذهب وبذلك يكون انتهي امره اما من احب عمرو خالد لنهجه فها نا يراه عمرو خالد ويريد تطبيقه وبذلك لن يكون هناك عمرو خالد واحد بل الاف اذا سيرنا علي نهجه وعلمنا امور ديننا وان نكون ممن يأمرون بالمعرف وينهون عن المنكر فبذالك لن يستطيعو ان يقضو علي كل ذالك .
وفي النهايه احب ان اقول ان من التزم دينه الصحيح وعرف الحلال والحرام فقد افلح وبذلك يكون قد فاز في هذه المعركه ولن يتغلبو علينا سواء باجباره علي الرحيل او منع برامجه.
مين قالك ان عمرو خالد ملوش غلطات
عمرو خالد قال كذا حاجة غلط والمفروض ميتكلمش فى الدين لو كان هينصح بكلام مغلوط بقى يقول الرسول غلط ونسيبه يعنى يتكلم كلام فاضى وخلاص
إرسال تعليق