كلاكيت تاني مره

كلاكيت تاني مره...... تاااااااج تاني......
بس المرادي من ميرو(من اجل البشريه المعذبه)
فقررنا ان احنا الاتنين نجاوب مع بعض
علشااااااان متزهقووووش منا

لو أعطيتك ثلاث وردات من هم الثلاث الأشخاص اللى هتهديهم الورد اللى معاك ؟؟

الاولى:سالي معلمتي في المسجد

علمتني الكثير في الحيااااة

وعلمتني انه من لايشكر الناس لا يشكر الله

الثانيه:اهديها لبابا لانه من اكثر الشخصيات

اللي اثرت فيا ....ولانه شخصيه تستحق الاحترام

الثالثه :لكل اصدقائي....لأن الصداقه شئ قيم

لو أعطيتك ورقة بيها 3 سطور وقلت لك أكتب فيهم اللى أنت عيزه هتكتب إيه ؟؟

نفسي اشوف المجتمع فاضل لان الفضيله رقي وحيثما وجدت لن تتواجد الكراهيه ولا البغضاء ولا الحسد (فالارتقاء إلى الفضائل صعب منجي، والإنحطاط إلى الرذائل سهل مُردي...الامام علي )

وهذ هو المجتمع المثالي الذي احلم به.....

ما هو هدفك فى الحياة ؟؟

ان اترك الدنيا تاركة بصمتي فيها....

ان اشارك في بناء المجتمع الفاضل...

ان ارحل من الدنيا ولا ارحل من قلوب الناس...

إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا ؟؟

اصدقها بنسبة 100% .....انا عند ظن عبدي بي فليظن عبدي بي ما يشاااء

وهذا ظني في الله...

أجمل مقولة سمعتها فى حياتك ؟؟

ان الرجل المثالي يفرح بالأعمال التي يؤيديها للآخرين

ويخجل ان أدى الآخرون الاعمال له

لان تقديم العطف هو من التفوق

لكن تلقي العطف هو دليل الفشل

من المغنى اللى بتحبه أوى و إيه أحلى أغنية ليه بتحبها ؟؟

مش فاكره...بس ممكن...ابو عبدالملك كفى يانفس ماكان

"غزة" تمثل لك إيه في حياتك ؟؟

فلسطين ككل هي ميزان ايمان الأمه

أعطى لإنتمائك لوطنك درجة من مائة ؟؟

100 %

لو تزوجت و أنجبت بنتين و ولدين أى الأسماء تختار لهم ؟؟.

اسماء مش موجوده ومش متكرره ولها معنى

ومش هقولهم........

غشيت فى أمتحان و انت صغير ؟؟

لا والله مفتكرش خاااالص

لو أتعرض عليك رشوة كبيرة و انت فى زنقة ماليه هتعمل إيه ؟؟

بديهي هقول لا

اللهم ثبت قلوبنا على دينك...

وثبتنا على مبادئنا ......

قول 3 صفات ب 3 كلمات بس توصف بيهم شخصيتك ؟

قاااااااادره

مستفزه

بحب أساعد الناس

اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟

بابا: انا هديته..بابا زاهد وملوش في الهدايا

ماما:فيللا

يوسف:شركة الكترونيات

يمنى:عربية

شروق بردو عربيه

عمر:بيتش باجي

آيه:لعب كتيييير

(بس انهو راتب اللي هيجيب ده كله وانهو وظيفه ده؟؟؟)

ايه المجال اللى غير دراستك وشايف نفسك فيه قوي؟

الاعلام....الموارد البشريه....

بتحب السفر؟

جدااااااااااااااااا

طب دلوقتى حالا ايه المكان اللى نفسك تكون فيه ؟

السعوديه(تحديدا مكه والمدينه)

رفيدة

==================================

تاج غــــــــــــــــــــــــاده

· لو أعطيتك ثلاث وردات من هم الثلاث الأشخاص اللى هتهديهم الورد اللى معاك ؟؟
ا

لورده الاولي: لبابا و ماما
الورده الثانيه : لجدتي
الورده الثالثه : هاحتفظ بيها لنفسي افكر علي رواقه اديها لمين

· لو أعطيتك ورقة بيها 3 سطور وقلت لك أكتب فيهم اللى أنت عيزه هتكتب إيه ؟؟
يا ربي اسالك الهدي و التقي و العفاف و النجاح و التميز , و اسالك ان تريح نفسي و قلبي الي ما تريد , و اسالك الاخلاص في القول و العمل و السر و العلن , و اسالك جنه الدنيا و الاخره.

· ما هو هدفك فى الحياة ؟؟
عزه الاسلام و المسلمين

· إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا ؟؟
بها احيا , والله اتولدت لاقيت نفسي كده .. عندي بكره ان شاء الله احسن و بعد ساعه كمان اجمل و دايما في حاجات جميله بتيجي و بنعيشها ..

· أجمل مقولة سمعتها فى حياتك ؟؟
" كن انت التغيير الذي تريد ان تراه في الوجود " ... غاندي

· من المغنى اللى بتحبه أوى و إيه أحلى أغنية ليه بتحبها ؟؟
مشاري راشد , و اوقات بو خاطر

· "غزة" تمثل لك إيه فى حياتك ؟؟
امل في ان بكره افضل باذن الله.

· أعطى لإنتمائك لوطنك درجة من مائة ؟؟
100%

· لو تزوجت و أنجبت بنتين و ولدين أى الأسماء تختار لهم ؟؟.
نضال و جهاد .. دول اساسي ان شاء الله , و 2 الزياده دول بقي.. ممكن يوسف و نور .

· غشيت فى أمتحان و انت صغير ؟؟
لا انما لما بقيت في الجامعه و كده يعني كان بيبقي في نقاش مش غش :)

· لو أتعرض عليك رشوة كبيرة و انت فى زنقة ماليه هتعمل إيه ؟؟
بالذمه ده اسمه كلام .. السؤال ده مرفوض اصلا .

· قول 3 صفات ب 3 كلمات بس توصف بيهم شخصيتك ؟
1- بحب الناس بطريقه مستفزه ,
2- عمليه بطريقه مقرفه بردو ,
3- بحب الاستمتاع بكل شئ.

· اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟
للسيدات .. خاتم دهب كبير ,
للرجاله .. ماديليات دهب ,
لبابا .. هحاول عربيه ,
لماما .. خاتم سوليتير ,
لاخويا .. عربيه ,
لاختي .. عربيه .


· ايه المجال اللى غير دراستك وشايف نفسك فيه قوي؟
الموارد البشريه و بدات ادرس فيه.

· بتحب السفر؟
اكيد

· طب دلوقتى حالا ايه المكان اللى نفسك تكون فيه ؟
في بريطانيا بدرس اداره الموارد البشريه في جامعه اكسفورد , و في الويك ايند .. اروح المدينه المنوره و اعمل عمره , و الويك ايند اللي بعديه ...اروح ازور فلسطين و احاول اصلي في المسجد الاقصي.

امرر التاج .. لبذره امل

مبدا الاستمتاع

" علي فكره الحصان ده مش بهديه لاي حد لان الحصان المنطلق عندي له معاني كبيييييييييره جدا ..

من الاخر بهديه لكل انصار مبدا الاستمتاع"

مبدا الاستمتاع انا الفته من حوالي سنتين كده ...

المعطيات ........
يقوم مبدا الاستمتاع علي : الاستمتاع بكل ما يحيط بك او يحدث لك او تلتقي بهم.
مبدا يتعلق ب : البيئه المحيطه بك , الاحداث التي تمر عليك , و الاشخاص التي تلتقي بهم .
مبدا ينبع من : نفسك .

طيب المساله بقي : ههههههههههههه

تفاصيل المبدا ........
فكره المبدا بسيطه جدا ..

هعمل مقارنه و انتم اللي هتحكموا

" في حاله عدم تطبيق مبدا الاستمتاع " : شوف اللي بيحصل

- تصحي الصبح : تقول ياه نفس اللي بيحصل كل يوم .. اقوم اتوضي و اصلي و البس عشان اروح احضر محاضرات او اروح امضي في الشغل اوف,
- تنزل الشغل اوف تركب مواصله زحمه جدا او تضحي و تركب تاكسي يا ستار و الجو حر .. ياله الحمد لله يا رب و ايه الزحمه اللي في الشوارع و تروح الجامعه او الشغل متاخر .
- يكون الدكتور قفل الباب اوووف او المدير قعد يزعق و اداك كلمتين ده اذا مكنش شطب عليك انك مجيتش لا و ايه هتدخل تشتغل و انت مالكش ذنب في التاخير.
- بعد ما تخلص المحاضره بتاعه الدكتور اللي ما بيجبش الكلام اللي بيقوله في الامتحان او تخلص نفس الشغل اللي بتعملله كل يوم و تستحمل قرف المدير تقوم رايح علي جمعيتك مثلا.
- تروح الجمعيه تلاقي العيال عمالين يتخانقوا و اللي عايز يشتهر و اللي عايز يتقال اسمه و هكذا اوف العالم دي مخنقه قوي.
- تروح تلاقي مامتك عامله طبيخ زي بتاع امبارح .
- تنام شويه و تصحي تتفرج علي شويه بلاهات مقرفه في التلفزيون و تتخانق مع اخواتك عشان تقعد علي النت شويه و بعدين تنام عشان تصحي علي نفس اللي عملته انهرده.

" بتطبيق مبدا الاستمتاع " :

- تصحي الصبح و تستعيذ بالله من الشيطان الرجيم و تبتسم لليوم الجديد و تنوي طاعه ربنا و الاستمتاع بالحلال تتوضي و تصلي و يدعي ربنا انه يكون يوم كله بركه و رضا و تميز و غير الايام اللي فاتت و تدعي انه يكون يوم تحقق فيه كل اللي بتتمناه.
- تكون مجهز اصلا شويه حاجات عايز تعملها و هتخدمك في هدفك الكبير اللي انت وضعته للمرحله الحاليه في حياتك .
- تنزل الشغل او تروح المحاضره طبعا قبل معادك بشويه و بجد " اعملها و ادعيلي" ابتسم و انت نازل علي السلم بتاع بتكم , و متركبش الاسانسير .. مبحبوش :( , المهم و تتنفس نفس عميق و استقبل اليوم بفرحه .
- تنزل الشارع هتلاقي زحمه , اعذرهم هما كمان عندهم شغل , لا و مسؤوليات اكيد اكتر مني و منك و اركب معاهم , و اقوم و قعد الست الكبيره لانها ممكن في يوم تبقي امك او زوجتك او بنتك و غيرك يعملها زي ما انت عملت و ابتسم ليها , و افرح انك لاقيت مواصله تركبها و لو حسيت انك مخنوق قوي قوي غمض عنيك و احلم انك في اجمل مكان في الدنيا و احمد ربنا علي نعمه الخيال.
- هتروح الشغل في ميعادك لانك منظم او هتدخل المحاضره قبل الدكتور لانك بتحب المحاضره حتي لو مكنتش الكليه اللي نفسك فيها , خلاص انا ناوي اني اكون متميز و المتميز بيحب كل اللي بيعمله ,
- هتبدع في شغلك لانك شايف انك متميز زملائك هيحبوك لانك بتساعدهم بحب , و في كل ده انت مستمتع باللي بتعمله , زملائك في الكليه هيحبوك لانك متميز و بتساعدهم و عامل مجموعه و بتشرحلهم الماده الصعبه عليهم .
- بعد ما تخلص هتروح الجمعيه .. هتلاقي شويه مشاكل و هتحاول انت تحلها و تديهم امل و تذكرهم ان كل اللي بيعملوه لوجه الله سبحانه و تعالي و يلتفوا حواليك و يحبوك و تنجز معاهم الشغل اللي المفروض انهم ينجزوه بس متعطل بسبب المشاكل .
- هتروح البيت بقي , خد معاك اكل ديليفري – هههههههه – احمد ربنا علي الاكل اللي مامتك عاملاه و اشكرها عليه و كل باستمتاع .

بالنهايه اذا طبقت مبدا الاستمتاع يجب الا تقوم باي عمل غصب عنك – احم احم الا اذا كان اوامر عليا – و دايما حتي لو في حاجه فرضت عليك ان تفعلها فحاول بكل الطرق ان تخلق فيها سبب يجعلك تستمتع به و ستجد ان شاء الله .

ها من انصار مبدا الاستمتاع .... في انتظار المؤيدين و المعارضين و اضافات الجميع:)

غاده

تااااااااااااااااج

طوووووول عمري بحب التيجان

بس اللي بتتلبس على الراس.....

مش اللي اتلبس انا فيها......

وعلى العموم...

جزااك الله خيرااا

شمو نشادر.......

السؤال الأول .. أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك ؟

الحلم الأول: أن أتم حفظ القرآن الكريم

الحلم الثاني: أن أغرس الفضيله في المجتمع ليكون مجتمع فاضل..

نفسي فعلا اني اعمل كده...ولو حتى اغرس فضيله واحده في

كل حد اقابله......

الحلم الثالث:بحلم اكون مذيعة حوارية في التلفزيون...

مش علشان الشهره والاضواء...لأ..والله...

بس لأن الاعلام والتعليم هما السبيل لتغيير

أي أمة....واتدربت شويه في قناة الناس

ومكملتش وسافرت السعوديه لبابا.....

الحلم الرابع: أن يرزقني الله الحكمة في القول وفي الفعل...

ويرزقني حب الناس....

الحلم الخامس: أن ييسر الله لي الحج

الحلم الاول جاري العمل فيه...والتاني والله بحاول بقدر المستطاع

....والثالث يعني فيه كام بارقة امل كده..والرابع طبعااااا لسه ادعوووولي..

والخامس الحمدلله حجيت من سنتين انا واخواتي يمنى وشروق....

السؤال الثانى .. اذكر خمس أحلام على الأقل تخص مستقبلك

الحلم الأول:بالنسبة لحياتي المهنيه نفسي اعمل مليون حاجه

ملهاش دعوه ببعض (من وجهة نظر البعض لكن بالنسبه ليا هم بيخدموا هدفي الرئيسي)

مثلا:اني انجح في مجال الموارد البشريه ...و اضيف فيها علامه..

اعمل معرض تصميم وبيع ملابس المحجبات (بس محجباات بجد)

واعمل مدرسة اسلاميه لغات حيث تدرس فيها

الاخلاق والقيم ويتم فيها بناء شخصية ملتزمه ..متفتحه.. مثقفة...

واخيرااا مكتب استشارات نفسية....

الحلم التاني: بحلم ان بناتي (في المسجد) يكبروا ويدخلو احسن كليات

وأطمن عليهم ويبقو داعيات ..مثقفات..يحملوا هم الدعوه والاسلام

الحلم الثالث:بحلم اني اخرج من الدنيا وانا سايبه بصمه يعز بيها الاسلام..

الحلم الرابع:بحلم حلم اهبل اوي ..بس هو حلمي..اني ارجع تاني

واعيش في البدو ..في الصحرا ..والجبل..حيث البساطه والبدائيه

والفطرة النقيه....

الحلم الخامس:بقول ان احنا اسره سعيده اوي..بالرغم من كل حاجه..

وبتمنى وبحلم..ان نظل كذلك دائما وابدا..ومنفترقش ابداااا...

السؤال الثالث .. أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..

بجد انا زعلانه من اللي حط السؤال ده جدا...لأن مفيش حد هيجاوب

عليه بصدق إلا وهيزعل ناااس كتير ...

بس بجد..هم مش اتنين وإلا كان الواحد خادهم وهج من البلد ده

لأي مكان بعيد واستغنى عن كل اللي حواليه...

السؤال الرابع .. أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..

شخصين غير متواجدين في حياتي كنت اود وجودهم..عمر بن الخطاب ...

والملك العادل نور الدين محمود...

ومعلش اضيف شخصيتين نفسي يكونو موجودين في حياة اولادي مستقبلا..

بابا..وسالي(معلمتي)... حفظهم الله ....

السؤال الخامس .. تهدى التاج لمين ؟؟

بالاضافة للي غادة ذكرتهم..هيرو ..امة الله..ولعاشقة الشهاده وعاشقة فلسطين

على الهامش طبعا التشابه بين اجاباتي واجابات غاده كتيره

بيس لينا عذرنا احنا كنا في ثانوي مع بعض..وفي كليه واحدة

وبناخد دبلومه واحده..وفي جمعيات واحده..وبنشتغل شغل واحد..

فعذرااا

.......رفيدة

تاج يا ناس ....تاااااااااااج

غاده ...

انا مبسووووووووووووووطه جدا بالتاج الاول ده

ده تاج يا ناس ... تاج مش اي حاجه .. اي نعم الاسئله

صعبه بس بجد حاجه جميله جدا انك تلاقي حد فاكرك

و بعتلك تاج يااااااااه احساس رااااااااااااااااائع
ربنا يكرمك يا اسامه يا رب :)

السؤال الأول .. أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك ؟

- الحلم الاول : كنت بحلم اني ابقي زي دكتور احمد زويل و في مجال الكيمياء ,
- الحلم الثاني : كنت بحلم اني اخد الدكتوراه من جامعه اكسفورد في بريطانيا في الادب الانجليزي,
- الحلم الثالث : كنت بحلم اني ابقي داعيه اسلاميه في الجامعات الغربيه ,
- الحلم الرابع : كنت بحلم اني العب رياضه كل يوم الصبح بعد صلاه الفجر,
- الحلم الخامس : اني اعمل اي حاجه عشان فلسطين تتحرر,
الحلم الاول اتلغي لاني دخلت اداب انجليزي و الحلم التاني اتعدل و اصبح في مجال الاداره الحلم التالت لازال قائم الحلم الرابع نفسي يتحقق حتي الان و الحلم الخامس لم يتحقق و لكن لازال عندي الحلم

السؤال الثانى .. اذكر خمس أحلام على الأقل تخص مستقبلك
الحلم الاول : اشتغل في اداره الموارد البشريه و اتفوق فيها و ابقي احسن مديره موارد بشريه و بعدين افتح شركه توظيف كبيره جدا بردو تبدا صغيره و تكبر و توظف كل الشباب و بعدين احاول اعمل من ربح الشركه جزء لبناء مساكن نضيفه للشباب و بالتقسيط الممل ..

الحلم الثاني: ان يبقي فيه سي السيد في حياتي .. كله صرامه و رجوليه و احتوااااااااء و حكمه و شهامه و تدين و و ثقه في النفس و شموخ و حاجات كتير كده ..

الحلم الثالث : كل الناس اللي اعرفهم يبقوا في احسن حال من اللي هما بيتمنوه كمان و ينشئوا بيوت مسلمه سعيده جدا كلها لعب و هزار و جد مع اللي بيتمنوهم و يكون ربنا راضي عنهم و عن اولادهم..

الحلم الرابع : اني العب رياضه بعد صلاه الفجر مباشره كل يوم.
الحلم الخامس: فلسطين تتحرر و اكون انا و اولادي سبب من الاسباب.
حلم سادس بس معلشي :احج قبل ما اموت انا و بابا و ماما و اختي و اخويا
السؤال الثالث .. أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..
- كل من اعرفهم , دبلوماسيه صح ههههههه بس سؤال صعب بجد
السؤال الرابع .. أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..
- عمر ابن الخطاب رضي الله عنه و ارضاه و ادخلني مدخله اريده في حياتي و حياه اولادي من بعدي
السؤال الخامس .. تهدى التاج لمين ؟؟
اهدي التاج لكل اللي اعرفهم و بجد مبسوطه بمعرفتهم و ان كانت علي النت فقط , ربنا يكرمهم جميعا و يعزهم و يبارك فيهم و يحقق لهم احلامهم
-بذره امل و اني راحله و جبناله الضغط و ميرو و خبيب

متقلقوش تاج رفيده هترد عليه في اقرب وقت :)

بعض الكلمات كالسيف تذبح وتريق دماء الأحزان
وبعضها بلسم ينزل على الأفئدة بردا وسلاما
وكثيرا ما انتهجت في حياتي النهج الأخير....
أذكر أني كنت أحاول جاهدة مع كل من عرفت
أن لا تخدش كلماتي من قريب أو من بعيد...
ولو حتى على سبيل المزاح أحد.....
و إن حدث و استشعرت للحظه أن أحدا
قد ضايقته كلماتي.....
أو قد تضايقه كلماتي ...
هرعت إليه متوسلة أن يقبل
اعتذاري وإن لم يكن فيها ما يسئ
على الإطلاق ......
أردد لنفسي: قد ترحلي اليوم أو غدا فلا ينبغي
أن ترحلي وتتركي قلوبا تبكي من سوء صنيعك
ولا تبكي عليك ....
فلا أتوقف ....وقد أصادف من يستمرئ
هذا فيتظاهر بأن كلماتي قد أصابته في مقتل
وأدمت فؤاده..........
أو من لا يبالي بمثل تلك المعاني التي يراها ترفا فكريا
أو ادعاء بمثالية لا وجود لها ..
.وبعدا عن واقع يجب أن يعاش .......
فأواصل سيري في دربي .....لا يثنيني عنها
لا هذا ولا ذاك.....بل وأتعامل معهم
جميعا بطريقتي تلك......

لم اكتب هذه الكلمات لادعي أني شخصية
تحلق في سماء الكمال المطلق....
فأنا أعلم يقينا أن الكمال لله وحده........
و والله لو علم الأنام سوء فعلي لما
ردوا لمثلي سلاما.......

و إنما كتبتها لأنه تناهى إلى سمعي
حديث آلمني وهو أني اغتبت...
.بل بهت ظلما وعدوانا بعض من أحترم وأجل
بصفات وأفعال بعيده كل البعد عن الأخلاق
وقد صدقها بعضهم للأسف ....
وحزن منها...._وله الحق في هذا_
ولم يسألني ...... ولم يعاتبني


فأعتذر لهؤلاء جميعا
ألاااااااااااف المرااااااااااات......
وان لم يقبلوا اعتذاري فليتخيروا إذا الوسيلة
القصوى في معاقبتي إلا هجري...أو أن يتجاهلوني
فهذا عقاب لاأحتمله......


أتمنى ان تكون قلوبهم رحيمة بي......
أعتذر لكم جميعا على الإطااااااااااله


أذكر كلمااات ربيت عليها منذ صغري...
أحبب من شئت فانك مفارق
فإما ان تفارقه تفارقه تاركا فيه جرحا...
أو تاركا ابتسامة........
أو تاركا شخصا آخر ......
و أحببت تلك الكلمات وبشدة

...... رفيدة